أمانة بائع البيكيا
أمانة بائع البيكيا
قصه حقيقيه بالعامية
بقلم أ/ احمد علي يوسف
على باب بيتنا جه ولد من الشباب المكافح بجد بيجمع زجاجات البلاستيك والكتب القديمة..
بنتى كانت فى زيارتها الاسبوعية لينا فجمعت مجموعة من كتبها القديمة واخدهم الشاب مع مجموعة من الزجاجات البلاستيكية الفارغة واتوكل على الله..
.. بعد حوالى ساعة اكتشفت بنتى ان تليفونها مش موجود.. الكلام دة كان قبل الضهر..
.. هى ووالدتها رنوا كتير على التليفون ومحدش بيرد.. فين كدة رنوا بعد العصر فجأة اتفتح الخط والمستمع بيقول الو.. بس كدة وواضح انه مكنش سامع اى صوت..
.. يادوب نص ساعة لقينا الشاب المحترم الخلوق جايب التليفون وجاى على البيت بعد ما لقيه جوة كتاب من الكتب اللى معاه..
.. مكنتش قلقان على حاجة اكتر من خصوصيات بنتى والحقيقة انى اتخضيت جدا جدا.. فى داهية التليفون لكن بجد ما اتمناش اى بنت تحتفظ بصور شديدة الخصوصية على فونها..
.. ربنا يوفقك يابنى ويجبر بخاطرك ويحفظك ويسعدك ويبارك فيك..
أ/ احمد علي يوسف