البدايه

البدايه 

بقلم الاستاذ: ناصر عيد

لو قلتى كلمه

هتكون فى قلبى أجمل حكاية

هيه كلمة حروفها قلة  بس خايف من النهاية

قوليها مره   يا ساكنة قلبى من البداية

بحلم بفرحة تكون فى طرحه  تتمناها كل الصبايا

شفت فى منامى   ايدك فى ايدى وورانا زفه

طرحتك توللى لفتنى كلى مع نسمة هفه

قلت اخدك وأروح لعشى قالولى لسة كمل اللفه

ركبونا خيل الله أعلم  والا مركب

ومسكت انا الدفة

شفت رأسك على صدرى وشعرك طار على جبينى فى خفه

بحلم بيك صاحى ونايم ولا انت سامعة والا انت شايفه

بخاف عليك وادعوا ربى لو عينى رفه يا حلوة رفه

بحلف بطهرك وبأيمانك بربك وبالعفه

الفجر أذن صحيت من نومى لقيت على الخد دمعة ناشفه

ياريت ما قمت وعشت يومى فى حلم وأمانى زايفه