ب… اكلم نفسي
ب… اكلم نفسي
الشاعر:عاطف محمد
ساعات ب…اكلم نفسي
واسألها عن أحوالها؟؟؟؟
واطمن كيف الحال؟!
عن يومها واللى جرلها
ف…كتير ألقاها زعلانه
شايله الهم وتعبانه
ومخاصمه الكون مع ناسه
اسألها ليه زعلانه؟؟؟؟
فتبص بحرقة اهه!!!!!!!!
تتنهد وتروح قايله
ما انتش شايفه حكاياتنا
والحاصل ف المواضيع
راحت فين الأخلاق
خلت دنيتنا تضيع
لو ماتت حد يقول
حد يفهمنا وينطق
المنطق مابقاش منطق
ولا حاجه فضلت عادى
فلسفنا كل خطيئة
بررنا غباء الموقف
والجانى أصبح قاضي
والمجنى عليه يستاهل
ف..ما عادش زمانا يراضى
انتشر الشر وجيشه
لبسنا أسوأ خيشه
قفل الأبواب ترابيس
وعرضنا كل خسيس
كبضاعة بسعر رخيص
نادى ع المنتفعين
يلا ها نبيع دلوقتى
حان وقت الإنهاء
اتلموا وسنوا سنانهم
علشان ينهشوا م البيعة
زودوا للهم بلاء
ولا همش دمعة وصرخة
ولا قهرة قلب حزين
دوغري ظهر السكين
مزع قلب وشرايين
والطعنة جت ف المقتل
وانتهى بالدبح المطلق
ولقينا بعد الدبح
متكتف مليون صبح
بأوامر مايعدوش
ولا نورهم بس يخطي
فحاولت اصرخ واواجه
الصوت حتى ما طاوعشي
ولا ظهرت له تباشير
بصيت على كل نواحي
ف ..لقيت الهم كبير
خلاني… أنا ماسألشى
ولا أدور ع …..التفاسير
فصرخت بآخر صرخة
أراضيكي فين ياشهامة؟؟؟؟؟!!!!
فقالوا
بلا مبالاة
جملة واضحة وصريحة
مات وجودكم
البقاء لله…