من وحى أعمال وحياة العاشق

من وحى أعمال وحياة العاشق
الثائر ……محمد نوح
اعداد: عاطف محمد

حوار له شجون

بعد الهروب إلى مصر ، وفى وهج الأضواء بالقاهرة تذكر عزبة الزرع مركز كوم حمادة، كما تذكر طنطا ودمنهور والموالد والأفراح الريفية ، وتذكر رحلة العائلة المقدسة وتذكر حرب أكتوبر( تنهد طويلا)ثم قال(مسترجعا سنين مضت):
فين أيام كلية تجارة اسكندرية ومعهد الموسيقى العربية والدراسة فى ستانفورد بالولايات المتحدة الأمريكية (جلس هائما ) عاشق ومغرم صبابه
قال (بعشق شديد): باحبك ياحياه(تأمل قليلا) اشبهك بايه؟؟؟
نادى(مستنجدا) وقال :
ياعصفورين(بنبرة متلهفة) ياولاد الحلال حدش شاف دلال(موضحا) اللى مسميها سالومى(بنظرة عاشق) نفسى ابقى المهاجر لقلبها (مؤكدا) عمرها ماهتبقى الزوجة التانية
جت سالومى(خائفة ترتعش) لما شافها
قال (غير مصدق لحضورها) : الله حى كنت فين ياقمر(مستبشرا) طلع النهار (مستعطفا )يارب لا تنسانا
قالت(بخوف شديد): احمينى من قبضة الهلالي (نظرت يمينا ويسارا)أنا بدفع ثمن الخوف حاسه أني السجينة ٦٧
قال لها بقلب جرئ:
عليه اللعنة (مطمئنا)أهدي واشربي سحلب(مطمئنا)مش هايفلت من ايدي
قالت(متمنية): ياسلام تبقى ساعتها أنت اللى قتلت الوحش يااوديب
نظر لها وقال (بإيمان عاشق) :
حبيبتي ياحبيبتي من صغر السن من ألف ليلة وليلة وأنا بقولك آه لو يروق الحال(متغزلا) الشور شورك ياغزال وانادى وأقول(صارخا) يا بكره لا تنسانا(مستعطفا) مشوارنا لسه فى أوله(حانيا) أديني قلت انى أنا باهواك(مؤكدا) على فكره ده من أول دخولنا الجنينة بعد ماجينا ب مرسيدس (بجراءة) وماهيمنيش الناس ولا على باللى
قالت (بخجل) :اختشى البنات يخدوا بالهم
قال : دلعوا يادلعوا الحب محدش منعه (مساعدا لها) شيلى طرح الحزن
قالت( مفكرة ): فى شارع كاليجولا ممكن نعيش
قال (بعلو صوته ) : مدد مدد يابلدى يا كريستال الوطن أكبر حبيبة (متمنيا) أنا نفسى أنام على صدرك وتقوليلى ياعملى ياابو سنه(مؤكدا) نرضى مانرضاشى الشور شورك (متذكرا)بس فيه مشكلة(تنظر له فيكمل) إن حسن وعزيزة قضية أمن دولة ، وانتى عارفه أنهم شباب فى عاصفة
قالت:بس دى معركة النقيب نادية
قال:مش عايز ها تبقى الدخيل وتفضل امتثال نخلص الموضوع وبعديها نروح اسكندرية
قالت(بفرح شديد): إسكندرية كمان وكمان
قال:(مؤكدا) إسكندرية كمان وكمان (متغزلا) بصى ياسوق الحلاوة (كمن يتخذ قرار هاما) ناوى اعمل انقلاب وأقول بقلب جرئ(يقرر حقيقة) المزيكا فى خطر.
قالت: ناوى تعمل ثورة موسيقية زى ما أنيس منصور قال عليك ، خايفه عليك أنهم ميفهموش ثورتك يقولوا انك شيوعى
قال(مبتسما وساخرا):فيه شيوعى بيقول مدد مدد ونغمات ذكر الموالد جوه فى ألحانه ؟!!
قالت:يانوح الموج عالى
قال:اوعى تنسى انى محمد و نوح كمان و معايا سفينة النجاة( لا إله إلا الله محمد رسول الله )