خواطر مجنونه

خواطر مجنونه
كتبت : منال مجدى
مجنونه ياطماطم وجننتينا
وعززتي نفسك وغليتي علينا
وحالفه ماتدخلي بيتنا وتخاصمينا
وهاجرتي درج تلاجتنا وقاطعتينا
حتي من طبق السلطه حرمتينا
والفلفل لما شافك بتبيعي وتشتري فينا

هو كمان ساق في دلاله وقال ايه بيتدلع

ورافض وجوده في طبق السلطه وبيتمنع

وقال اشمعني انا مايزدش سعري ويولع

دانا في السلطة شيء اساسي ومتنوع

فيه مني بارد ومني حار
ومتعدد الالوان

من حقي اعترض عالاسعار
واكون زعلان

ورق العنب بقا بالدولار
بيتباهي وفرحان

حتي الجزر والخيار
بقيت انا منهم غيران

ولسه التوم والبصل
ماعرفوش اللي حصل
سعرهم لكام بقا وصل
ولا حد منهم اتصل
واتفكك طبق السلطه
والكل عن بعضة انفصل

يامجنونه حني بقا و ارجعي
افلحي في زرعك ورعرعي
وفي الاقفاص يلا اتجمعي
علشان في الصلصة تدمعي
وفي خلطة المحشي تبدعي
و مع الخيار و الجبنه تتقطعي
وبلاش يا اوطه عالسلطه تتمنعي
لو شوفتي حالنا هتبكي وتدمعي
ندرا عليا ترخصي اعملك مربي وتتوزعي
خواطر مجنونة